Сустрэча з начальнікам пажарнага паста № 3 аграгарадка Астроўна Беляевым Д.В
“Ваша бяспека – ў вашых руках”, - навучэнцы часта чуюць гэтыя словы з вуснаў сваіх настаўнікаў. Але для таго, каб яны змаглі атрымаць больш грунтоўныя веды і навыкі бяспекі, на дапамогу прыходзяць супрацоўнікі МНС.
13 лютага 2020 года начальнік пажарнага паста № 3 аграгарадка Астроўна Беляеў Д.В. правёў актыўную прафілактычную работу з навучэнцамі 9-11 класаў у рамках рэспубліканскай акцыі “Бяспека – у кожны дом!” Праведзена камандная віктарына “Дзе логіка?”, арганізаваны прагляд відэафільмаў “Недзіцячыя гульні”, “Небяспека ртуці”.
Падчас мерапрыемства вучням раздадзены буклеты па прапагандзе мабільнага дадатку “МНС Беларусі: Дапамога побач”, аказана метадычная дапамога па выкарыстанні дадзенага дадатку для мабільных прылад.
