Гістарычная гадзіна “Змагаліся на чужой зямлі”
“Салдат вайны не выбірае…” З такіх слоў пачаў размову з падлеткамі ветэран вайны ў Афганістане, жыхар вёскі Гародна Бешанковіцкага раёна Галаўнёў Аляксандр Мікалаевіч.
13 лютага 2020 года Астровенская сельская бібліятэка сумесна са школай арганізавала правядзенне гістарычнай гадзіны “Змагаліся на чужой зямлі” з нагоды памятнай даты (15 лютага) – Дня памяці воінаў-інтэрнацыяналістаў Беларусі. Гэты дзень памяці аб людзях, якія прымалі ўдзел у складанай дзевяцігадовай афганскай вайне, увекавечаны ўказам Прэзідэнта Рэспублікі Беларусь у сакавіку 1998 года. 15 лютага 1989 года ваеннаслужачыя, якія ваявалі ў Афганістане, вярнуліся на Радзіму.
Галаўнёў Аляксандр Мікалаевіч падзяліўся сваімі ўспамінамі аб ваенных дзеяннях, выказаў нясцерпны боль аб стратах і выпрабаваннях, перажытых на афганскай вайне, пажадаў старшакласнікам моцнай веры і ўпэўненасці ў мірнае жыццё сваёй роднай Беларусі.
Вялікі дзякуй за арганізацыю гістарычнай гадзіны бібліятэкару Астровенскай сельскай бібліятэкі Бандзёнак В.І., дырэктару Астровенкага сельскага Дома культуры – Ціханавай В.Н., акампаніятару Голубеву У.В., навучэнцам 4 класа і іх класнаму кіраўніку Шарко В.М.
