Мемарыяльны комплекс “Прарыў”
Ніхто не забыты, нішто не забыта…
У рамках святкавання 75-й гадавіны вызвалення Рэспублікі Беларусь ад нямецка-фашысцкіх захопнікаў 19 чэрвеня 2019 года навучэнцы Астровенскай школы наведалі мемарыяльны комплекс “Прарыў” на Ушаччыне. Пасля рэканструкцыі гэтая памятная мясціна сустрэла наведвальнікаў у адноўленым выглядзе. Ансамбль мемарыяльнага комплексу пабудаваны такім чынам, што наведвальнікі праходзяць па тым шляху, у тым накірунку, ў якім прарываліся партызаны з вогненнага варожага кола ў маі 1944 года.
Аб’ектамі экскурсіі сталі ўсе асноўныя элементы мемарыялу: фігура партызана, застыўшая ў моманце апошняга штуршка наперад, “разарваныя” глыбы-пілоны, сімвалізуючыя 60000 нямецка-фашысцкіх войск, якія павінны былі назаўсёды агнём і свінцом знішчыць партызанскую зону, Брацкая магіла, ў якой захавана 450 партызан, воінаў Савецкай Арміі і мірных жыхароў, загінуўшых падчас прарыву варожай блакады.
Новым элементам мемарыяльнага комплексу “Прарыў” з’яўляецца імправізаваная “Партызанская вёска”, у якой ёсць зямлянка-чырвоны куток, тыпаграфія, штабная зямлянка, жылая зямлянка, лясная школа. Дзеці пазнаёміліся з побытам партызан Ушаччыны, змаглі сфатаграфавацца з атрыбутамі ваеннага часу.
Музей ваеннай тэхнікі пад адкрытым небам таксама змаглі наведаць навучэнцы.
Арганізатарам, выхавацелем і экскурсаводам на “Прарыве” была Карсакова Ларыса Генадзьеўна. Вялікі дзякуй ёй за цікава праведзеную экскурсію.
